Northeastern University

Танилцуулга

Анх залуучуудад зориулсан оройн сургууль гэсэн нэрээр 1898 оны 10 сарын 3 нд байгуулагдаж  байжээ. 1917 оны 3 сарын 30 нд Frank Palmer Speare захирал болж таван жилийн дараа сургууль нь нэрээ солин Northeastern University болсон. 1923 оноос эхлэн илүү олон мэргэжлийн чиглэлээр оюутан сургах болсон. 1937 онд тус сургууль нь YMCA хамтран нэгдсэн байгууллага нээсэн бол 1948 он гэхэд YMCA-ээс бүрэн салсан юм. 1980 аад оны эхээр оройн ээлжийн ангид сургалцдаг оюутны тоо 50000-д хүрч бакалавр болон магистерийн зэргээр мэргэжилтэн бэлтгэн гаргах болсон. Үүнээс хойш тус сургууль нь жилдээ 7500-10000 оюутныг элсүүлдэг болжээ. 1996 онд тус сургуулийн захирал байсан John Curry огцороход сурагчдын тоо эрс буурч байсан ч удаах захирал болох Richard Freeland сургуулийн сурагчдийг нэмдэгдүүлэх талаас нь хэлэлцэж байжээ. 1996 гаас 2006 оны хооронд сурагчдын үзүүлж буй дүнгийн үзүүлэлт 200 оноогоор дээшилжээ.

Оюутны хотхон

Их сургуулийн оюутны хотхон нь Бостон хотын төвд байрладаг хэдий ч мод, цэцэг, навчаар хүрээлэгдсэн ногоон байгалиар хүрээлэгдсэн. Тус оюутны хотхон нь хотод байрласан хамгийн үлгэр жишээ оюутны хотхоноор шалгарсан бөгөөд хамгийн үзэсгэлэнтэй гадаад орчинтой оюутны хотхоноор хоёр удаа шалгарч байжээ. Оюутны хотхонд их сургуулийн номын сан, кафе, спорт заал, биеийн тамирын байгууламж зэрэг хамгийн орчин үеийн техник технологи бүрдсэн маш олон байгууламж бий. Түүнээс гадна их сургууль нь Шарлотт, Сиэттл, Сан Франциско, Торонто, Ванкувер зэрэг хотноо тус тус оюутны хотхонтой.

Номын сан

Их сургууль Northeastern University-н далайн шинжлэх ухааны төвийн номын сан, Африк, Америкийн холбооны номын сан, Снелл номын сан гэсэн 3 номын сантай. Снелл номын сан нь 1990 оноос үйл ажиллагаагаа явуулж эхэлсэн бөгөөд уг номын сан нь 1.3 сая боть номтой. Мөн энэхүү номын санд Favat-н эмхтгэл, орчин үеийн хүүхдийн уран зохиолын эмхтгэл, Benjamin LaGuer–н цуглуулга, их сургуулийн архив болон бусад тусгай цуглуулга байдаг. Northeastern University-н төв номын сан нь нийт 497,821 хэвлэмэл ном, 861,676 цахим ном, 100,887 сэтгүүл, 116,739 аудио ном зэрэг байдаг.

Судалгаа

Northeastern University нь судалгааны 60 гаруй төвтэй бөгөөд дараах салбаруудад голчлон судалгаагаа явуулдаг.

  • Бизнес
  • Компьютер технологи, мэдээлэл зүй
  • Инженерчлэл, Технологи
  • Эрүүл мэнд
  • Хүмүүнлэгийн ухаан, урлаг
  • Хууль
  • Хөдөө аж ахуй
  • Нийгмийн ухаан

Bachelor subjects

School location