Birmingham City University

Танилцуулга

Birmingham City University нь Английн Бирминхам хотод байдаг орчин үеийн их сургууль юм. Тус сургууль нь 1843 онд Бриминхамын урлагийн коллеж нэртэйгээр байгуулагдаж, 1971 онд политехник болон өөрчлөгдөж улмаар 1992–с их сургууль гэсэн байр суурьтайгаар үйл ажиллагаагаа явуулах болсон.

Их сургууль нь үндсэн 3 гол кампустайгаар үйл ажиллагаагаа явуулдаг бөгөөд технологи, нийгмийн шинжлэх ухаан, урлаг, хууль, эрүүл мэнд, англи хэл, инженерчлэл, боловсрол, тооцоолон бодохуй, байгаль орчин, бизнес , урлаг, дизайны чиглэлийн хөтөлбөрүүдийг санал болгодог.

Бирминхам хотын 2 дахь хамгийн том сургууль болох Birmingham City University  нь Complete University Guide жагсаалтаар хотдоо 3-т буюу University of Birmingham and Aston University их сургуулиудын ард жагсдаг.

Их сургууль нь олон улсын холбоо, хамтран ажилладаг их сургуулиуд, нэмэлт боловсролын коллежуудаараа дамжуулан бэлтгэл хөтөлбөрийг санал болгодог ба  олон улсын ихээхэн оюутнууд энэ сургуулийг сонгон суралцдаг.

Их сургуулийг сонгох шалтгаан
  1. Төгсөгчдийн ажлын боломж: Их сургуулийн 10 төгсөгч тутмын 9 нь төгссөнөөсөө хойш 3 сарын дотор ажилд орж, дараагийн шатны сургалтад хамрагддаг.
  2. Суралцах хугацаандаа ажиллах: Сургуулийн оюутнуудын ажил эрхлэлтийн холбооноос оюутнуудад сургуулийн ажилд туслан суралцангаа мөнгө олж, ажлын туршлага хуримтлуулах боломж олгодог.
  3. Олон улсад хүлээн зөвшөөрөгдсөн хөтөлбөрүүд: Их сургуулийн дийлэнх хөтөлбөрүүд нь ACCA, CIMA, RIBA зэрэг олон улсын нэр хүндтэй байгууллагуудаар хүлээн зөвшөөрөгдсөн байдаг.
Кампус

Хотын төвийн кампус

Уг кампус нь Бирминхам хотын төвд байрладаг. Энд их сургуулийн Бирминхам жүжгийн сургууль, тооцоолон бодохуй, инженерчлэлийн салбар сургууль  байрлан үйл ажиллагаагаа явуулдаг.

  • Birmingham Jewellery Quarter-дах Vittoria Street: Энд Бирминхам үнэт эдлэлийн сургууль байрладаг
  • Margaret Street: Урьд нь Бирминхам урлагийн сургууль байрлан үйл ажиллагаагаа явуулж байсан уг газарт өнөөдөр дүрслэх урлагийн сургууль байрлан үйл ажиллагаагаа явуулдаг.
  • City South Кампус: Энэхүү кампус нь Бирминхам хотын өмнөд хэсэгт байдаг бөгөөд энд их сургуулийн эрүүл мэндийн хөтөлбөрийн хичээлүүд явагдахаас гадна, дийлэнх оюутны дотуур байр энд байрладаг.
  • City North Кампус: Уг кампус нь Perry Barr-т байдаг. Энд их сургуулийн боловсролын сургууль байрладаг.
  • Bournville Кампус: Уг кампуст Birmingham City University–н олон улсын коллеж байдаг.
Номын сан

Birmingham City University нь 7 номын сантай. Эдгээр номын сангуудад 950000 орчим ном зохиол, 9000 гаруй хэвлэмэл болон цахим сэтгүүл хадгалагдаж байдаг. Их сургуулийн Kenrick номын сан нь 1971 онд их сургуулийн захирлаар томилогдон ажиллаж байсан William Kenrick-н нэрэмжит номын сан бөгөөд уг номын сан нь City North кампуст байдаг их сургуулийн хамгийн том номын сан юм. Kenrick номын сан нь 320000 гаруй ном, 2000 хэвлэмэл сэтгүүл, 4000 гаруй цахим сэтгүүлийг агуулна.

Bachelor subjects

Master subjects

School location