Beijing Foreign Studies University

Beijing Foreign Studies University нь Хятадын боловсролын яамны харьяанд үйл ажиллагаагаа явуулдаг Хятадын нэр хүндтэй их сургуулиудын нэг юм. Хятадын хамгийн эртний хэлний их сургуулиудын тоонд зүй ёсоор багтдаг тус сургууль нь оюутнуудад өөр өөр түвшний боловсролыг санал болгодгийн зэрэгцээ  хэлний курсүүдээс сонгон суралцах боломжтой.

Түүхийн үүднээс авч үзвэл Beijing Foreign Studies University нь 1941 онд Японы цэргийн хүчний эсрэг Хятадын улс төрийн коллежийн  Орос хэлний тэнхимээр үйл ажиллагаагаа эхлүүлж байжээ бөгөөд 1954 онд нэрээ өөрчлөн Beijing Foreign Languages Institute болж 1959 онд Beijing Russian Institute-тай нэгдсэн. 1980 оноос эхлэн боловсролын яамны харьяа байгууллагаар үйл ажиллагаагаа явуулах болсон. Beijing Foreign Studies University нь өнөөгийн нэрээ 1994 онд авчээ. Өдгөө уг сургууль нь 67 гадаад хэлний курс, гадаад хэл-уран зохиол, хятад хэл-уран зохиол, сэтгүүл зүй-харилцаа холбоо, улс төрийн шинжлэх ухаан, хууль, удирдлагын шинжлэх ухаан-инженерчлэл, бизнес  зэрэг мэргэжлийн чиглэлээр бакалавр, магистр, докторын хөтөлбөрүүдийг санал болгодог.

Өнгөрсөн 74 жилийн хугацаанд орчуулагч, бизнес эрхлэгч, сэтгүүлч, хуульч, санхүүч гээд 90000 гаруй мэргэжилтэнг бэлтгэн гаргажээ.

Олон улсын бизнесийн сургууль

Олон улсын бизнесийн сургууль нь Beijing Foreign Studies University-н хамгийн залуу, хамгийн их оюутантай салбар сургуулиудын нэг юм. 2001 оноос эхлэн үйл ажиллагаагаа явуулах болсон тус сургууль нь бакалаврын болон бакалаврын дараах төвшний нийт 1500 гаруй оюутантай. IBS нь чанартай боловсролыг түгээн дэлгэрүүлж, бизнесийн салбарын ирээдүйн манлайлагчдыг бэлтгэх зорилготой. Их сургууль нь эдийн засаг, бизнесийн англи хэл, удирдлага, интернет, мэдээллийн чиглэлээр мэргэшсэн чадварлаг багш нараар хамт олноо бүрдүүлсэн байдгийн зэрэгцээ сургуулийн багш нарын 90 хувь нь мэргэжлийнхээ чиглэлээр докторын зэрэг хамгаалсан, хамгаалахаар суралцаж байгаа эрдэмтэд байдаг.  Мөн багш нарын 70 гаруй хувь нь хамгийн багадаа гадаадад жил хагас суралцсан эсвэл эрдмийн зэрэг хамгаалсан байдаг.

BFSU-н олон улсын бизнесийн сургууль нь эдийн засаг-худалдаа, санхүү, бизнесийн удирдлага, нягтлан бодох бүртгэл, цахим бизнес, мэдээллийн удирдлага-систем гэсэн бакалаврын түвшний 6 хөтөлбөр, удирдлагын шинжлэх ухаан ба инженерчлэл, дипломат харилцаа , олон улсын байгууллагын хөтөлбөр  зэрэг бакалаврын дараах түвшний 3 хөтөлбөрөөр  тус тус оюутан сургадгын зэрэгцээ олон улсын оюутнуудад зориулсан бакалаврын хөтөлбөрт олон улсын бизнес, олон улсын санхүү, олон улсын зах зээл, бизнесийн удирдлага зэрэг мэргэжлүүд багтдаг бол магистрийн хөтөлбөрт олон улсын эдийн засаг, харилцааны мэргэжил багтдаг байна. BFSU-н бакалаврын түвшний Хятад оюутнуудын хувьд давхар зэргийн хөтөлбөрт хамрагдах боломжтой. Мөн их сургуулийн зүгээс  гадаадад сурах хүсэлтэй байгаа оюутнуудад эдийн засаг, удирдлага, IT-н чиглэлийн бэлтгэл курсүүдийг санал болгодог.  Дийлэнх мэргэжлийн курсүүд  англи хэлээр явагддаг. Олон улсын бизнесийн сургууль нь засгийн газар, аж үйлдвэр, санхүүгийн байгууллагуудтай ойр хамтран ажилладаг. Мөн Англи, Америк, Канад, Австрали, Нидерланд, Швейцар, Өмнөд Солонгос, Энэтхэг зэрэг олон орны их дээд сургуулиудтай хамтын ажиллагааны гэрээ байгуулсан.

Их сургуулийн номын сан

BFSU-н номын сан нь голлон хэл, уран зохиол, соёлын холбогдолтой 1264 сая хэвлэмэл ном зохиол, 482000 гаруй цахим ном, 1174 тогтмол хэвлэл, 56 өгөгдлийн сантай бөгөөд номын сангийн эдгээр зохиол бүтээлүүд нь Хятадаас гадна бусад орны хэд хэдэн хэлээр байдаг. Мөн уг номын сан нь 2000 суудал, 18 уншлагын танхим, уулзалтын өрөө, лекцийн танхимтай.

School location