Category

Мэдээ

Англи хэл сурах хамгийн үр дүнтэй 5 арга

Нийтэлсэн: | Мэдээ | Сэтгэгдэлгүй

1. Шинэ мэдлэг олж авахын тулд унших

Энэхүү арга нь таныг шинэ мэдлэг олж авах буюу шинэ үг, хэллэгийг тогтоож авахад тустай хамгийн оновчтой арга юм. Хүмүүс аливаа ном, зохиол, нийтлэлийг уншихдаа утга санааг нь ойлгох гэж уншдаг бол энэхүү арга нь илүү хэл зүйн санаанд нь чиглэдэг байна.

Энэхүү аргыг ашиглахдаа та номыг бүлэг бүлгээр нь унших ба ингэхдээ та ойлгоогүй үг, өгүүлбэрээ унших явцдаа тэмдэглэх боловч уншихаа зогсож болохгүй. Нэг бүлгийг уншиж дууссаныхаа дараа та өөрийн тэмдэглэсэн ойлгоогүй үг, өгүүлбэрийг тусад нь тэмдэглэл дээр тэмдэглэж эдгээр үг, өгүүлбэрийн утгыг интернет, толь бичиг, эсвэл таньдаг хэн нэгнээсээ лавлан асууж мэдэж авах хэрэгтэй. Үг, өгүүлбэрүүдийн утгыг мэдэж авсны дараа та уншсан бүлгээ дахин нэг удаа унших маягаар номоо бүтнээр нь уншиж дуусгах юм.

2. Сонсох арга

Уншихтай адил Англи хэлийг сонсох хоёр арга байдаг:

  1. Сонсож байгаа зүйлдээ бүрэн анхаарлаа төвлөрүүлж сонсох
  2. Ямар нэгэн өөр зүйл хийж байхдаа сонсох

Хэдийгээр ихэнх тохиолдолд сонсож буй зүйлийнхээ утга санааг ойлгохоор төвлөрч сонсох нь хэрэгтэй боловч өөр бусад зүйл хийж байхдаа өөрийн дуртай подкаст, видео зэргийг сонсох нь таны мэдлэг, чадварыг улам бүр нэмэгдүүлнэ. Та гүйх, нохойгоо салхилуулах, гэрээ цэвэрлэх гэх мэт өдөр бүр давтамжтай хийдэг ажлаа хийж байхын хажуугаар англи хэл дээрх өөрийн сонгосон материалыг сонссоноор далд ухамсартайгаар англи хэлийг сурч англи хэл дээрх авианууд болон хүмүүсийн ярьж буй хэлбэрт дасаж сонсох чадвар тань маш хурдацтай сайжирдаг байна.

3. Хүмүүсийн яриаг дуурайж ярих

Зөв, цэвэр дуудлагатай ярьж сурна гэдэг Англи хэл сурахын хамгийн том асуудал боловч биелэгдэшгүй даваа биш юм. Англи хэлээр зөв ярьж сурахад тань туслах оновчтой аргуудын нэг нь зөв, цэвэр дуудлагатай ярьж буй хүний яриаг дуурайж ярих явдал юм. Ингэхийн тулд та ямарваа нэгэн ярианы аудио хэлбэрийг текстийн хамтаар олж аваад хамгийн эхний ээлжид аудио хэлбэрийг сонсоно. Үүний дараагаар та ярьж буй хүний яриаг дуурайж давтаж ярих ба ингэхдээ дуу хураагуураар өөрийн яриаг давхар бичиж авна. Өөрийн яриаг харьцуулж сонсоод аливаа алдаа дутагдлыг засах замаар алдаагүй, зөв ярьдаг болтлоо давтах юм. Тус арга нь зөвхөн ярих чадварыг сайжруулаад зогсохгүй таны сонсголын чадвар, үгийн сан, дүрмийн мэдлэгийг ч мөн дээшлүүлдэг аж.

4. Сурах хэрэгтэй зүйлдээ анхаарлаа төвлөрүүл

Англи хэл сурахдаа хоёр зүйлийг анхаарч үзэх нь чухал юм.

  1. Өдөр тутмын, өргөн хүрээнд хэрэглэгддэг үг, хэллэгүүд
  2. Таны сурах хэрэгтэй үг, хэллэгүүд

Өргөн хэрэглээний, өдөр тутмын Англи хэлийг сурахаас гадна та өөрийн хийх гэж буй ажил мэргэжил, суралцах гэж буй салбарын үг, хэллэгүүдийг сурах шаардлагатай.

Жишээлбэл, хэрэв та инженерчлэлийн чиглэлээр сурах гэж байгаа бол эсвэл ресторанд цагийн ажил хийх гэж байгаа бол тухайн чиглэлээр хэрэглэгддэг хэллэгүүдийг сурах нь чухал. Энэ нь таны цагийг хэмнэж, өөрт хэрэгтэй хэлийг хурдан хугацаанд сурахад дөхөм болно.

5. Хийх хэрэгтэй зүйлээ хий… гэхдээ Англи хэл дээр

Ингэснээр та хаана байгаагаасаа үл хамааран өөрийгөө Англи хэлтэй бүрэн уусгах боломжтой. Тус арга нь маш энгийн. Та хийж байгаа эсвэл хийх хэрэгтэй зүйлээ Англи хэл дээр хийхэд л шаардлагатай. Ямар нэгэн шинэ бараа авахаар судалж байгаа бол Англи хэл дээр судал, өдрийн тэмдэглэл бичих гэж байгаа бол Англи хэл дээр бич, шинэ содон мэдээ мэдээллийг Англи хэл дээр уншиж ав, кино үзэхдээ Англи хэл дээр үз гэх мэт.

Гадаад хэл сурахад зориулсан шилдэг веб сайтууд

Нийтэлсэн: | Мэдээ | Сэтгэгдэлгүй
Duolingo: Ихэнхи хүмүүст тохиромжтой

Duolingo нь үнэ төлбөргүй шинэ хэл сурах хамгийн алдартай вэбсайтуудын нэг юм. Хоббигоо хөгжүүлэгч хэн бүхэнд зориулагдсан Duolingo нь таны сонгосон хэл дээрх хамгийн энгийн үгсийг зааж эхэлдэг. Үгсийг мэддэг болсны дараа энгийн өгүүлбэрүүд гарж ирдэг бөгөөд энэ нь ердийн сургалтын явцтай харьцуулахад хэл сурах илүү ойр арга аж. Duolingo-ийн давуу тал нь сургалтын материалуудыг танилцуулж буй арга нь юм. Та тухайн хэл дээр нь заасан хичээлүүдийн үзэж, сурсанаа бататгахад туслах асуултуудад хариулах замаар суралцана. Тус  веб хуудас нь хичээл, сургалтын хөтөлбөрүүддээ тоглоомийн элементүүд нэмж өгсөн нь таныг уйдаахгүй байлгаж, суралцах явцыг илүү сонирхолтой болгодог.

Duolingo-г бүх төрлийн хэрэгслээр ашиглах боломжтой.

FluentU: Гадаад хэл дээр видео үзэх замаар суралцаарай

FluentU нь видео ашиглан шинэ хэл заадаг. Видеонууд нь зааварчилгаатай биш харин гадаад хэл дээрх ердийн бичлэгүүд юм. Жишээлбэл, та кино, хөгжмийн видео эсвэл зүгээр л ярьж байгаа хүнийг харж магадгүй. Видеонууд нь таныг хэл сурахад туслах интерактив тайлбаруудтай бөгөөд эдгээр интерактив асуулт хариултууд нь таны сурах явцыг хэмжихэд тусалдаг.

FluentU нь үнэгүй биш боловч 15 хоногийн туршилтын хугацаа олгодог тул та сонирхоод үзэхэд буруудахгүй. Үүний дараа сарын 10 доллар байдаг үндсэн төлөвлөгөө нь гар утаснаас ашиглах боломжийг олгодог бөгөөд үг хайх, хязгааргүй видео үзэх боломжийг олгодог.

Rype: Хувийн зааварлагч багш авах

Rype бол бизнесийн сонирхолтой загвар бүхий гадаад хэл сурах вэбсайт юм. Шинэ хэл сурахын тулд асуулт хариулт, видео ашиглахын оронд та хувийн багшаас видео дуудлагаар суралцдаг. Та 30 эсвэл 60 минутын ярианы хэлийг биеэр зааж сургадаг багштай хамт хуваарь гаргаж видео дуудлагаар заалгуулах боломжтой. Тус сайт нь бусад сайтууд шиг олон хэлийг санал болгодоггүй боловч ирээдүйд илүү олон хэл, төрлийг нэмэхээр төлөвлөж байгаа аж. Хэлнээс гадна та эрдэм шинжилгээний сэдвийг ижил аргаар сурах боломжтой. Гэхдээ Rype нь төлбөртэй ба та долоо хоногийн туршилтын дараа үйлчилгээг ашиглахын тулд сард 65 доллар төлөх шаардлагатай болно.

Memrise: Word Games ашиглан гадаад хэл сурцгаая

Memrise нь гадаад хэл сурах бас нэгэн вэбсайт юм. Duolingo-ийн нэгэн адил та хэлийг хялбархан цээжлэхэд тусалдаг үгэн тоглоом тоглох замаар суралцана. Утасны Апп-уудыг ашигласнаар та хэдий интернетгүй байсан ч үргэлжлүүлэн суралцах боломжтой.

Үндсэн хувилбарыг нь үнэгүй ашиглах боломжтой. Pro хувилбар нь сард 4.95 долларын үнэтэй байдаг. Pro хувилбар нь танд Grammarbot, сонсох чадварын дасгал, видео горим, дүн шинжилгээ хийх боломжийг олгоно.

Баббел: Танд сонирхолтой байгаа сэдвийг сонго

Баббел танд шинэ хэл заахын тулд хувь хүний арга барилыг ашигладаг. Бусад сайтуудын адил үгсээр эхлэхийн оронд та сурахыг хүсч буй сэдвээ сонгоход л шаардлагатай. Сэдвүүдийн цөөн хэдэн жишээ бол амьтан, хоол хүнс, аялал, амьдралын хэв маяг зэрэг юм. Сэдвээ сонгосны дараагаар  та тухайн сэдэвтэй хамаатай шинэ үгсийг эхлээд сурдаг. Babbel нь сард 12.95 долларын үнэтэй бөгөөд хэрэв та илүү удаан хэрэглэхээр захиалан авах  тохиолдолд үнэ нь буурдаг. Хэдийгээр үнэгүй туршилтын хувилбар байхгүй ч тус сайт нь танд мөнгөө буцааж авах 20 хоногийн баталгаа санал болгодог.

Гадаадад сурахад тань тулгарах хамгийн том 5 бэрхшээл

Нийтэлсэн: | Мэдээ | Сэтгэгдэлгүй

Боловсролын зорилгоор гадаадад аялах нь шинэ хүмүүстэй танилцах, шинэ төрлийн хоол идэж үзэх, урьд өмнө нь үзэж байгаагүй зүйлсийг шинээр үзэх гэх мэт юм үзэж, нүд тайлах, өсөн дэвжих олон боломжийг олгодог. Гэвч энэхүү гайхамшигтай туршлага нь оюутнуудын хувьд хэд хэдэн, ялангуяа хэрхэн дасан зохицох, даван туулах талаар бэлтгэлгүй бол маш хүнд хэцүү бэрхшээлүүдийг дагуулдаг. Гэсэн хэдий ч эдгээр бэрхшээлийг даван туулах нь таныг илүү туршлагатай илүү сайн хүн болоход тань туслана. Иймд оюутанд эх орноосоо холдож гадаадад сурахаар явахад хамгийн их тохиолддог таван бэрхшээлийг түүнчлэн тэдгээрийг хэрхэн давж гарах талаар зөвлөгөөг хүргэж байна.

Гэрээ санах гэдэг оюутнуудын хувьд тулгардаг хамгийн том асуудлуудын нэг яах аргагүй мөн билээ. Орон гэр, найз нөхөд, гэр бүл, ойр дотны хүмүүсээсээ хол байна гэдэг нь зөвхөн тэднийг санахаар зогсохгүй ойр дотны хүмүүсийнхээ өдөр тутмын амьдрал, түүнчлэн амьдралын чухал мөчүүдээс нь хоцорч үлдэх бэрхшээлийг дагуулна. Ялангуяа таньж мэдэхгүй, шинэ орчинд ганцаараа очсон оюутны хувьд тус бэрхшээл нь маш хүндээр тусдаг.

Гэвч технологийн дэвшлийн ачаар таныг хайртай хүмүүстэйгээ холбоо барихад туслах гайхалтай сонголтууд олон гарч ирээд байгаа билээ. Эдгээр нь таныг гэрээ санах мэдрэмжээс хол байлгаж ойр дотны хүмүүстэйгээ дотно харилцаагаа хадгалж үлдэхэд тань туслах нь гарцаагүй.

Тэгвэл та яах хэрэгтэй вэ?

Хэдийгээр технологийн дэвшил олон гарч та хол байгаа ойр дотны хүмүүстэйгээ чөлөөтэй харилцах боломжтой болсон ч гадаадад сурахаар явсан оюутан гэрийхэнтэйгээ харилцахад тулгардаг хамгийн том асуудал нь цагийн зөрүү юм. Тиймээс та гэр бүл болон ойр дотны хүмүүстэйгээ харилцах тодорхой цаг тохирч өөрсдийн өдөр тутмын амьдралын талаарх сонин хачинаа хуваалцвал танд маш тустай байх болно.

Ойр дотны хүмүүстэйгээ чөлөөтэй харилцах боломжтой гээд та өөрийгөө шинэ хүмүүс, шинэ газартай танилцах боломжоос бүү хойш татаарай. Шинэ хүмүүстэй танилцах, орж үзээгүй кафе, зоогийн газарт орох зэрэг нь таныг гэрээ санах мэдрэмжээс хол байлгах чухал алхамуудын нэг юм.

Гадаадад сурч, амьдрахад тулгардаг дараагийн том асуудал нь санхүүгийн байдал юм. Орон байр, хоол хүнс, унааны мөнгөнөөс эхлээд маш олон хэрэгцээ гардаг тул гадаадад сурах нь багагүй мөнгө шаарддаг. Хэдийгээр та цагийн ажил хийж, оюутны зээл авч болох хэдий ч мөнгөө үр дүнтэй ашиглах илүү ухаалаг аргууд олон бий.  Эдгээрт тэмдэглэл хийж өөрийн зарлагыг хянах, зайлшгүй шаардлагатай үед хэрэглэх хадгаламж нээх, зөвхөн зайлшгүй шаардлагатай зүйсээ худалдаж авах, өөрөө хоолоо хийж идэх гэх мэт. Түүнчлэн дотоодын хүмүүсээс жуулчдад зориулсан төвүүд, худалдан авалт хийхэд хамгийн тохиромжтой цэгүүдийн талаар лавлаж мэдэж авах нь өөрийн мөнгийг зөв зарцуулахад маш чухал хүчин зүйл болдог.

Хэл соёл, ёс заншил, хоол хүнс гээд бүхий л зүйлс нь өөр орчинд очих нь оюутныг өөрийгөө гадны хүн гэж тусгаарлах, ганцаардахад хүргэдэг. Соёлын шок нь хүн бүрт тохиолддог хэдий ч энэ нь та урьдчилан бэлдэж болохгүй гэсэн үг биш юм. Интернет чухал мэдээллээр дүүрэн тул та очих гэж буй газрынхаа талаар очихоосоо өмнө судалж үзвэл тустай. Суралцахаар очиж буй орныхоо хэлийг сурах нь маш сайн алхам бөгөөд хэдийгээр та хэлээ сайтар эзэмшээгүй байсан ч дотоодын хүмүүстэй ойлголцох энгийн ярианы хэмжээнд сурсан байхад л маш том давуу тал болдог. Түүнчлэн тухайн орны соёлын талаар суралцахад хамгийн чухал алхам нь буруу ярихвий гэж айлгүй өөртөө итгэлтэй, тэвчээртэй байж бага багаар суралцах явдал юм.

Соёлын шок нь дан ганц өдөр тутмын амьдралд тохиолдоод зогсохгүй оюутан хүний хувьд сургууль дээр нь ч бас тохиолддог. Их сургуулийн багш нар нь таны мэддэгээс шал өөр төрлөөр хичээлээ заах, мэдээллээр хангахаас авахуулаад даалгавар, бие даалтаа хэрхэн хийхээ ойлгохгүй байх нь оюутны хувьд багагүй асуудал болдог. Гэхдээ та үүнд санаа зовох хэрэггүй. Учир нь их сургуулиуд бүгд өөрсдийн гэсэн олон улсын оюутнуудад зориулсан төв, зөвлөгч багш нартай байдаг учир та өөрийн ойлгохгүй байгаа аливаа асуудлын талаар зөвлөгөө авч болохоос гадна их сургуулийн багш нарын зарим нь өөрсдөө олон улсаас ирсэн байдаг тул танд зөвлөгөө өгөхөд үргэлж нээлттэй байна.

Маш олон оюутанд дөнгөж шинээр их сургуульд орох шилжилтийн үе тун хүнд санагддаг. Ялангуяа гадаадад сурч буй оюутнуудын хувьд өөр хэлээр орж байгаа хичээлд сууна гэдэг нь хүртэл ялимгүй  том даваа болдог. Түүнчлэн шинэ найз нөхөдтэй болж, шинэ газруудтай танилцах хүсэл сонирхолыг тоохгүй байна гэдэг хэцүү.  Үүнээс болж оюутнууд сурах зорилгоо мартаж, хичээлээ таслах, тэтгэлэгээ алдах, сургуулиас хасагдах зэрэг тохиолдол гарах нь цөөнгүй. Иймд хэдийгээр нэгэнт гадны оронд очсон тул юм үзэж нүд тайлах нь чухал хэдий ч хичээлдээ тууштай байх хэрэгтэй гэдгийг мартахгүй байх нь чухал юм.

Хэрхэн онц дүн авах вэ -1 (GGG)

Нийтэлсэн: | Мэдээ | Сэтгэгдэлгүй

Гэр бүл, найз нөхөд, таньдаг, мэддэг бүхнээ орхиж цоо шинэ орчинд амьдрана гэдэг амаргүй. Хэдий хүнд байсан ч сурах зорилгоор очсон болохоор онц дүн авахад л бүх хүчин чадал, анхаарлаа хандуулах ёстой. Монголд, эх хэлээрээ сураад онц дүн авна гэдэг гадаадад харь хэлээр бүх хичээлээ үзэхтэй адилгүй билээ. Тиймээс үндсэн мэдлэгээс гадна багахан заль мэдээд авахад илүүдэхгүй. Бид хэрхэн онц дүн авах арга (Good Grades Guide) цувралын эхний нийтлэлийг хүргэж байна.

  1. Сайжруулах шаардлагатай талуудад л анхаар.

Сайн суралцах аргаа олох нь сургалтын материалыг ойлгож сайжруулахад тусална. Ойлгохгүй зүйл байвал түүнд л анхаарлаа хандуулах хэрэгтэй. Ойлгоогүй хичээлээ тодорхойлоод, цаг алдалгүй алдаагаа засаарай.

Жишээ нь, Түүх, Англи хэлний хичээлийг ойлгоход амархан байж болох ч Математикийн хичээлийн дүн бага зэрэг суларч болох. Тэгвэл ирэх долоо хоногт Математикийг нэн тэргүүнд тавьж давт. Энэ мэтээр дүнгээ өсгөхийг хичээ.

Эсвэл хичээлийнхээ нэг сэдвийг ойлгохгүй гацчихсан байж ч болно. Ерөнхийд нь сайн хийж чадна, гэхдээ сурах бичгийнхээ 12-р бүлгийг ойлгохгүй байлаа гэж бодъё. Энэ үед шалгалтад бэлдэх үедээ 12-р бүлгийг нарийвчлан судлах хэрэгтэй.

  1. Загвар жишээ, өмнөх тестүүдийг олж ав.

Ихэнх профессор өмнөх хичээл, бие даалтын жишээ өгөхдөө баяртай байх болно. Хэрэв тест, шалгалт авна гэвэл загварын тест авахыг хүсэж болно. Зарим ангид энэ талаарх мэдээллийг ангийн вебсайтад тавьдаг. Эдгээр нь их сургуульдаа амжилттай сурахад тань тусална.

Багш нар бичих загварыг оюутнуудад өгөх гээд байнга бэлэн хадгалж байдаг. Хуучин материалыг авах боломж олдвол уншаад тэднийг дуурайлган адилхан хэв маягтай бич. Хэрэв ийм боломж олдохгүй бол урьд өмнө нь тэр хичээлд сууж, онц дүн авсан туршлагатай хүнээс зааварчилга авч, бие даалт зэрэг нь байгаа эсэхийг асуугаарай.

Багш нарын дийлэнх нь өмнөх оюутнуудын бие даалт, шалгалтын материал өгч, чиглүүлэг өгөхдөө баяртай байх болно. Тестийн бүтэц, зохион байгуулалтыг, мөн таны шалгалтад ирэх асуултуудын талаар санаа авахын тулд сайтар судлах. Ингэснээр асууж болох асуултуудын баримжаа авах болно. Туршилтын өмнө бүх сургалтын материалтай танилц.

  1. Нэмэлт болон курсийн материалыг харна уу.

Хэрэв ямар нэг зүйл ойлгохгүй байгаа бол үүнийг хэрхэн тайлбарлах нь асуудал байж болно. Хүн бүр өөр бөгөөд өөрсдийн гэсэн сурах арга барилтай. Хэрэв профессор эсвэл та өөрөө сурах бичгээ орхисон бол гадуур сургалтын материал үзээрэй. Магадгүй өөр профессорын лекцийн тэмдэглэл эсвэл өөр сурах бичиг тодорхой сэдвийг илүү сайн ойлгоход тусална.

Профессорууд зохиолчийг нь мэддэг болохоор тодорхой хэдэн сурах бичгийг ихэвчлэн сонгосон байдаг. Эдгээр нь үргэлж шилдэг ажлууд байх албагүй. Хэрэв та ямар нэгэн зүйлийг ойлгохгүй байгаа бол интернет дээрээс нэмэлт мэдээлэл олж авах боломжтой. Ажлын талаарх өөр нэг хувилбар нь материалыг илүү сайн ойлгоход тусална.

Интернетээс нэгүй онлайн сургалтын материал олох боломжтой. Олон профессоруудын онлайнаар PowerPoint танилцуулга шиг чөлөөтэй бичсэн эсвэл YouTube-ийн сайт дээр бичсэн лекцийг олж болно. Хэрэв багш тань ямар нэг зүйлийг тайлбарлахад ойлгож чадахгүй байгаа бол өөр багш үүнийг илүү сайн тайлбарлаж чадах эсэхийг үзээрэй.

  1. Өдөр бүр бага багаар судлаарай.

Хэрэв ямар нэг зүйлийг ойлгохыг хүсвэл сүүлийн минутад л анхаарах нь тус болохгүй. Хичээлээсээ хойш өдөр бүр тэмдэглэлээ сайтар судалж, бага зэрэг судал. Хэрэв та өдөр бүр бага багаар сурч байгаа бол энэ нь мэдээллийн урт хугацааг хадгалахад тус болно.

Хамгийн амархан сурдаг цагаа олох. Хуанли хуваарийн дагуу сурахаас зайлсхий. Магадгүй хичээлээс хоцорсон өдрүүддээ өглөө эрт бага зэрэг суралцаж болох юм. Магадгүй өдрийн хоол идсэний дараа суралцах боломжтой бөгөөд хичээл эхлэхээс өмнө 5 цагийн үед хичээллэж болно.

Боломжоороо бол хэвийн байдлаар суралц. Чамд нийгмийн ажил хийх хугацаа байдаг байж магадгүй. Хэрэв байнга тогтвортой байдлаа алдвал энэ нь тийм ч том асуудал биш юм.

Гаднын тусламж хай. Танд хэрэгтэй бол тусламж хүсэх нь буруу зүйл биш юм. Та магадгүй өөрт тохироогүй сэдэв авсан байж болно. Та хичээлийн дараа профессороос тусламж хүсэж, хувийн багшийг ажиллуулж, коллежид байх нөөцийн төвд очиж болно.

Европын уламжлалт 14 хоол

Нийтэлсэн: | Мэдээ | Сэтгэгдэлгүй

Европ бол эртний түүх, хаад, хатад, сүм хийдээр хязгаарлагдамгүй баялаг түүхтэй. Мөн дэлхийн хамгийн амттай, сонирхолтой хоолны өлгий нутаг ч гэсэн та хаана, юу идэх ээ мэдэх үү? Европын уламжлалт хоол хүнснээс нэр дурдаж чадах уу?

  1. Чех Палацинки

2. Германы Карривурст

3. Англи өглөөний цай

4. Итали пицца

5. Нидерландын Селедь загас

6. Унгар гуляш

7. Словенийн Шируклэ

8. Испанийн Кремэн Каталан

9. Франц блинчик

10. Бельги шар айраг

11. Ирландын үхрийн махтай шөл

12. Польш пирог

13. Болгар Баница

Чех бол тунгалаг шар айраг болох Плиснэрээр алдартай улс юм. Үүгээр ч зогсохгүй шар айргаа шингээх гайхалтай сайхан хоолтой орон билээ. Парага хотод амталж үзэх ёстой хоолны нэг нь нимгэн шарвин юм. Уг амттаныг жимсний чанамалаар бүрж, ороосон байдаг.

 

 

 

 

Германд бүх хоол нь зайдастай холбоотой. Хэдэн зуун төрлийн зайдас байдаг ч алдартай түргэн хоолны нэг нь Каррибурст юм.Уг хоолыг хальстай эсвэл хальсгүйгээр авч болох бөгөөд ямар ч тохиолдолд зайдсыг жижиглэж хийдэг ба кетчуп, каррины нунтагаар амталдаг. Мөн хүссэн халуун ногооны төрлөөс сонгож болох агаад шарсан төмс, колатай хамт хольж идвэл хамгийн амттай байдаг.

 

 

 

Англи өглөөний цайнд зөвхөн өндөг, сам хорхой, шош, улаан лооль, шарсан төмс,хар царцмал байдаг гэж бүү бодоорой. Эдгээрээс гадна тослог гахайн махан сэндвичээрээ алдартай. Энэхүү гахайн махан сендвичийг Лондон дахь ‘’East London’’ нарийн боовны газраас амталж болно.

 

 

 

Итали шиг гайхалтай сайхан хоолоороо танигдсан цөөхөн улс бий. Тэнд зөвхөн пицца, гоймонгоор зогсохгүй маш олон төрлийн хоол байдаг. Та үүнийг эх оронд нь очиж амталж үзээд мэдэх болно. Италийн ихэнх хот пиццагаараа өрсөлддөг ч боломж олдвол Неаполь хотын пиццаг амтлаад үзээрэй. Мөн тэнд байхдаа амтат зайрмагийг цадталаа идэхээ мартуузай.

 

 

 

 

 

Европын хүнсний бүтээгдэхүүний жагсаалтыг Нидерландаар үргэлжлүүлье . Энэ нь бүхэлдээ загасны хоол байдаг. Далай эрэглэсэн орон болохоороо загасны мах үндэсний хоолны томоохон хэсэг байсаар ирсэн. Нидерландад селедь загамыг өвөрмөц аргаар хадгалах үйл явцтай холбоотойгоор жижиг мөнгөн загас Голландын бэлгэдэл хоол болсон. Улирлын эхний барилтаар авсан загасыг идэх нь хамгийн тохиромжтой ч Амстердамын ихэнх хүнсний дэлгүүрт уг загасыг эрүүл зууш болгон зардаг.

 

 

 

 

Олон зууны туршид унгарчуудын хувьд гуляш өргөн дэлгэр хоол байсаар иржээ. Ихэвчлэн улаан чинжүүтэй, мах, ногоотой өтгөн сүмстэй байдаг. Талхыг аяга шиг хонхойлгон зүсээд шар айрагтай хамт идвэл амттай.

 

 

Төв Европт орших Словен өвөрмөц байршилтай газар. Учир нь Словенийн уламжлалт хоол хөрш орнуудынхаа хоолны хамгийн сайхныг нь авжээ. Газар дундын тэнгис, Альпийн нурууд болон эртний Ромын газруудын хотуудын дунд оршдог уг газраас та Словенийн гайхамшигт гахайн утсан мах, амттай бяслаг, шүлс асгарам махан хоолнуудыг амталж болно. Гэхдээ энэ нь бүхэлдээ амтлагч биш ээ. Чихэрлэг амт ч гэсэн сайхан зохицдог. Хамгийн сайхан амттай шарвин нь Шируклэ юм. Уг бяслаган шарвинд эстрагон буюу тахиа, загасны мах өргөн амталдаг ургамлын ногоог хийдэг ба нийслэл Люблянд илүү өвөрмөцөөр хийдэг.

 

 

Уламжлалаараа Кремэн Брюл магадгүй францаас гаралтай хоол боловч Испанийн хойд Каталони мужид хамгийн сайхан түлсэн карамельтай тавган хоол үүсэлтэй. Хоёр улс аль улсаас гаралтайд маргаантай байдаг ч Кремэн каталаныг пийшнээс илүү зууханд хийдэг. Барселон дахь гайгүй зэрэглэлийн бүх ресторанд уг хоолоор үйлчилдэг.

 

 

 

 

Загасан талхнаас гадна, Францаас илүү сайхан амттан, шарвин хийдэг газар байхгүй. Та Францийн хаанаас ч хамгийн сайхан блинчкийг идэж болно.

 

 

 

 

 

 

Хэрэв та Бельги улсад очвол шар айраг хоол шиг чухал гэдгийг мэднэ. Тус улсад шар айрагны 150 гаруй төрлийн үйлдвэр байдаг тул сонголт хийхэд хэцүү . Бельгийн аялал жуулчлалын хөтөч цахим хуудсандаа олон төрлийн шар айрагны үйлдвэр, баяр наадамд зочлох тухай гарын авлага байдаг.

 

 

 

 

 

Магадгүй Ирландын уур амьсгал эрс тэс ч гэсэн чийг тунадастай өдөр Ирланд шөл идэж суух шиг сайхан зүйл үгүй. Уламжлал ёсоор энэхүү шөлийг хонины махаар хийдэг бөгөөд Ирландын Гиннес шар айрагтай хамт идэх нь тааламжтай.

 

 

 

 

 

Дэлхийн соёл уламжлал бүрт баншны нэг төрөл орсон байдаг бөгөөд Польшид үүнийг Вареники бууз хэмээн нэрлэдэг. Хэдэн зуун төрөлтэй боловч ихэнхдээ уламжлалт аргаар шарж, эсвэл сонгинотой цөцгийн тосонд хайрч, гол төлөв байцаагаар хийдэг. Эдгээр нь ногоотой эсвэл махтай байж болно. Бүх ресторан уг хоолыг хийдэг.

 

 

 

 

 

Болгарын хамгийн сайхан хоол бол өндөгтэй Баница. Энэ нь цагаан бяслагтай зуурсан гурилыг зууханд жигнэж хийсэн гурилан боов юм. Өглөөний цайнд ихэвлэн иддэг агаад халуунаар ч хүйтнээр идэж болно. Гэхдээ хэзээ ч идсэн амттай байдаг. Баница банштай бууцайтай , сүүтэй , хулуутай гэх зэрэг олон сонголттой. Маш олон нарийн боовны газар байдаг ч Болгарит зөвхөн Баницагаар дагнасан тусгай нарийн боовоор бэлтгэдэг.

Энэ цагийн оюутнуудын онцлог

Нийтэлсэн: | Мэдээ | Сэтгэгдэлгүй

Хэдхэн жилийн өмнө оюутнууд гэрээсээ хол явж, шинэ газар үзэж нүд тайлахыг зорьдог байв. Харин одоо аль болох гэртэйгээ ойр байж, хол явахаар бол зүгээр л аяллаар явдаг трэнд бий болжээ. Милениалууд ажлын талбарт гараад өмнөх үеээ бодоход ажлыг бээлий шиг л сольдог болсон. Энэ гэхдээ сул тал уу гэвэл үгүй. 30 нас гарч эрсдэлтэй нүүр тулахад дэндүү оройтохоос өмнө төрөл бүрээр өөрийгөө сорьж буй хэрэг. Тэгвэл Z үеийнхэн буюу 2000 оны эхээр төрсөн хүүхдүүд одоо их сургуулийн босго алхаж, бас л өөрийн гэсэн онцлог шинж бий болгож байна. Доорх нь энэ цагийн оюутнуудын онцлог талууд билээ. 

  1. Тэд нүдээр үзэж байж шийдвэр гаргадаг

2016 оны Лос Анжелес хотын Калифорнийн их дээд сургуулиас хийсэн судалгаанд оюутнуудын 46.7 хувь нь их сургуулиа сонгохоос өмнө сургуулийн хотхонд зочлох нь чухал байдаг гэсэн хариу гарчээ. Энэхүү судалгааг анх 2003 онд хийсэн ба түүнээс хойш гарсан хамгийн өндөр үзүүлэлт энэ байжээ. Кампусын айлчлал нь оюутнуудад анх удаагаа зочилж анги танхим, сургуулийг бүхэлд нь үзэх боломж олгодог. Сурагчид сул орон сууцнуудын сонголттой танилцаж хэрэв хотхон хэт олон хүнтэй, бохир, хуучирсан бол сонголт хийхэд хүндрэлтэй болдог.

2. Тэд хичээлийн үеэр анхаарал сарниулах зүйлс ашигладаг

Небраска-Линкольны их сургуулийн Харилцаа холбоо, сэтгүүлийн зүйн сургуулиас гаргасан судалгаагаар оюутнууд хичээлийнхээ 20 хувийг ухаалаг утас ашиглан өнгөрүүлдгийг тогтоожээ.

3. Оюутнуудын олон нийтийн сүлжээнд зарцуулах хугацаа өссөөр байна

Дээрх судалгаагаар 2007-2015 онд коллежийн оюутнуудын 1/4 нь долоо хоногт доод тал нь зургаан цагийг сошиал медиад зарцуулж байгааг тогтоосон. 2016 онд энэ тоо 40.9 хувьд хүрчээ.

4. Оюутнууд байр хайхдаа фэйсбүүк ашигладаггүй

Энэ цагийн оюутнууд сошиал медиагаар бүх зүйлийг амжуулж сурсан. Зураг, бичлэг, файл “шидэж”, ажил, сургууль бүр цэцэрлэг ч хүртэл сошиал медиад нэгдэж, тэндээс мэдээлэл авч байна. Гэтэл өнөөгийн залуучууд орон байр хайхдаа фэйсбүүкийг сонгохгүй байгаа нь хачирхалтай. Тодруулбал, судалгаанд хамрагдсан оюутнуудын 73 хувь нь нийгмийн сүлжээг ашиглаагүй байсан. Харин 48 хувь нь цахим хайлт ашиглаж, үүнээс 78 хувьд нь үйлчлүүлэгчдийн сэтгэгдэл шийдвэр гаргахад нь чухал нөлөө үзүүлсэн гэжээ.

5. Өнөөгийн залуус амьд харилцааг эрхэмлэдэг. Really?!!

Интернэтийн эрин үе давамгайлсан өнөө цагт ч оюутнууд найз нөхөдтэйгээ хамт чанартай цаг өнгөрүүлсээр байна. Хачирхалтай биш гэж үү. Тэднийг Wireless-гүй бол хоолой нь боогддог, сошиал медиагаасаа гарч үзээгүй, тийм болохоороо нууц үгээ ч мэдэхгүй гэж та бодсон уу. Тэгвэл судалгаанд хамрагдсан оюутнуудын 75.2 хувь нь долоо хоногт багадаа зургаан цагийг найз нөхөдтэйгөө уулзаж, үүнтэй адил цагаар сошиал медиад цаг өнгөрөөдөг гэнэ. 

6. Гадаадад сурах оюутны тоо нэмэгдэж байна

Боловсролын статистикийн үндэсний төвөөс гаргасан мэдээгээр гадаадын их сургуулиудад суралцах Африк, Америк, Испани гаралтай оюутны тоо өсчээ. Тухайлбал, 2000-2015 онд Африк, Америк оюутны тоо 11,7-оос 14,1 хувиар, Испани оюутны тоо 9.9- 17,3 хувиар нэмэгджээ.

7. Оюутнууд төрөлх гэртэйгээ ойрхон сургууль сонгож байна

2016 оны оюутнуудын 37.9 хувь нь гэрээсээ 50 км доторх их, дээд сургуулиас сонгож гэр бүлтэйгээ цуг амьдрах хүсэлтэй байдаг нь тогтоогджээ.

8. Оюутнууд үйлчилгээний төвтэй ойрхон байр сонгодог.

Оюутны хотхон орчин үеийн хийцтэй, дэлгүүр, хоолны газар, фитнесс болон байнга зочилдог газар ойрхон байх нь чухал. Энэ нь автомашингүй оюутнуудад онцгой ач холбогдолтой . Тухайлбал алхах, дугуй унах нь нийтийн тээврээр зорчсоноос хавьгүй хялбар аж.

9. Тэд чанартай бөгөөд энгийн зориулалттай орон сууцанд орохыг хүсдэг

Дотуур байр оюутнуудын хоёр дахь гэр шиг мөн хэрэгцээт зүйлсээр хангасан байхыг хүсдэг. Тэдэнд олон угаалгын өрөөтэй, тавилгатай, аяга таваг угаадаг машинтай зэрэг тав тухтай байдал чухал. Орон сууц түрээслэгч, менежерт зөвлөхөд коллеж сонгоход эхлээд хотхоноор зочлох нь шийдвэрт чухал ач холбогдолтой тул гадаад байдал, тав тухыг мэдрүүлэхэд анхаараарай. Оюутнууд байранд юу байгааг хардаг тул тэдний хэрэгцээнд тулгуурлаж шийдээрэй.

Гадаадад найзтай болох алхам

Нийтэлсэн: | Мэдээ | Сэтгэгдэлгүй

Амьдрах хотоо сонгож, виз, нислэгээ зохицуулж, тээшийнхээ жагсаалтыг шалгаж, гэр бүлийнхэндээ ‘’Баяртай’’ гэж хэлээд эцэст нь та гадаадад очих болно. Бүх зүйл өөрчлөгдөнө. Найзын хүрээлэл ч гэсэн. Нөхөрлөлийн хүрээ өсч, олон гадаад найзтай болно. Гадаадад сурна гэдэг хүмүүстэй танилцах сайхан боломж юм. Гэвч хаанаас эхлэхээ мэдэхгүй бол дараах зөвлөмжтэй танилцаарай.

Өөрийгөө танилцуулах

Нэн түрүүнд хүмүүстэй уулзахдаа “Сайн уу” гэж хэлэх хэрэгтэй! Чин сэтгэлийн инээмсэглэл бол итгэлцэл бий болгох хялбар арга юм. Бодоод үзээрэй. Та ч гэсэн инээмсэглэж буй хүнд муухай хандаж байсан уу? Тиймээс үргэлжлүүлэн инээмсэглээд, “Сайн уу, намайг Мишээл гэдэг.’’хэмээн мэндчилээрэй. Хаана байгаагаас шалтгаалан өөрийгөө танилцуулахдаа дохио эсвэл бусад мэндчилгээ ашиглаж болно. Тухайлбал, орон бүр тодорхой заншилтай. Латин Америкт хүмүүс хацар дээр нэг удаа үнсдэг, Испани, Франц, Италид очвол хоёр хацар дээр үнсдэг , Англи хэлтэй ихэнх орон тэврэлдэж мэндэлдэг бол Япон тэргүүтэй Азийн орнуудад бага зэрэг бөхийн мэндэлдэг. Энэ мэтээр та байгаа орчиндоо удалгүй дасан зохицно гэдэгт бүү эргэлзээрэй.

Дугуйланд элсэж нийтийн ажилд оролцох

Сайхан мэдээ дуулгахдаа таатай байна. Дуртай, дургүй зүйлсээ мартаад, тогтсон хэвээс татгалзаж “За, тэгье” гэж хэлж сураарай. Фото зураг, морь унах, салса, явган аялал, бариста, эсвэл хоолны хичээлд суу. Дургүй гэж үү? Хамаагүй ээ. Энэ бол тантай ижил сонирхолтой оюутнуудтай танилцах гайхалтай арга билээ.

Шинэ спортоор хичээллэх

Багийн спорт бол найзалж нөхөрлөх үндсийг тавьдаг. Багийн гишүүд зорилгынхоо төлөө нэгдэж, нөхөрлөлөө бататгах боломж олгодог. Мөн та хүсэл тэмүүлэлтэй болж, өрсөлдөх ур чадвар суух болно. Австрали, Шинэ Зеланд, Их Британид регби, крикет харин Америкт хөлбөмбөг, бейсбол, сагсан бөмбөгийн спорт түгээмэл дэлгэрсэн. Тиймээс, эдгээр спортоор хичээллэх боломж илүү байдаг.

Шинэ хоббитой болгох

Хобби зөвхөн шинэ хүмүүстэй уулзах арга биш бөгөөд хүнд хэцүүхэн үед тань тайвшрахад тусална. Иог хийх, сэлэх, талх хийх, хаданд авирах, цэцэрлэгт очих, уран зураг, теннис, гэрэл зураг, тэквондо зэрэг чадах зүйлсдээ цаг гаргаарай. Та сургуулиас санал болгож буй үйл ажиллагаанууд болон хичээлийн дараах хөтөлбөрийн талаар асууж болно.

Бусад оюутантай амьдрах

Ангийн оюутнуудтайгаа хамт амьдрах нь хүмүүстэй дотносох хамгийн үр дүнтэй арга замуудын нэг юм. Тэдэнтэй найз нөхөд болсноор хүрээллээ тэлэх эхлэл болно. Байрны найр, төрсөн өдөр, онцгой баярууд, оройн хоол идэх, хөрштэйгөө гайхалтай газарт очиж кофе уунгаа болзох олон зүйлийг бодолцоорой.

Холбоотой байхаа мартуузай

Гадаад улс оронд суралцахад цаашид таны амьдралд чухал байл суурь эзлэх хүмүүстэй танилцаж, хувь хүн болон ур чадварын хувьд өсөлт, өөрчлөлт хийх цаг үе билээ. Тиймээс гэртээ эргэж ирээд нөхөрлөлөө бүү мартаарай. Ингэх нь амаргүй боловч одоо цагт шинэ найзуудтайгаа холбогдохын тулд олон сар захиа хүлээн авах хэрэггүй болж фэйсбүүк, viber тэргүүтэй дэвшилтэт технологиуд бий болсон. Бидэнд итгээрэй.

“Ногоон Жэйд” боловсролын байгууллага Австралийн 40 гаруй, Америкийн Нэгдсэн улсын 60 гаруй, Их Британийн 100 гаруй их сургуультай шууд гэрээтэй хамтран ажиллаж, 20-100% тэтгэлэгтэй суралцуулдаг. Дэлгэрэнгүй мэдээлэл авахыг хүсвэл манай оффис болон III сарын 9, 10-нд Blue Sky-д болох Олон улсын боловсролын үзэсгэлэнд хүрэлцэн ирээрэй.

Боловсролын эрэлттэй 3 орны төлбөр

Нийтэлсэн: | Мэдээ | Сэтгэгдэлгүй

Гадаад улс оронд сурах нь шинэ чадвартай болох чухал туршлага болдог. Энэ нь ирээдүйд хувийн боллоод мэргэжлийн талбарт цоо шинэ үүд хаалгыг нээнэ. Үүний тулд маш их судалгаа, бэлтгэл шаардлагатай чухал шийдвэр байдаг. Өөрт тохирох орон, төсвөө хэрхэх талаар шийдвэр гаргахад туслах үүднээс боловсролоороо тэргүүлдэг 3 орон болох Англи, Америк, Авсралид бакалаврын зэрэг эзэмшихэд хэр их мөнгө шаардлагатайг хураангуйллаа. Эдгээр зардал зөвхөн Их Британид суралцах гэж буй гадаад оюутануудад зориулсан бакалаврын ангийн зардалд хамаарахыг анхаараарай. Тус улсын болон Европын холбооны орнуудын оюутнууд бакалаврын ангид бага төлбөр төлдөг. Бүх дүн доллараар төлөгддөг ба санал болгож буй үнийн дүн харилцан адилгүй байдаг.

Австрали

Их сургуулийн сургалтын төлбөр жилд ойролцоогоор 27000-43000 америк доллар, амьдрах зардал 14000-23000 ам.доллар байдаг.

Авсралид маш удаан хугацаанд тав тухтай амьдрах нөхцөл бүрдсэн, үзэсгэлэнтэй байгаль, чанартай сургалт явуулдаг их дээд сургуулиудтай тул олон улсын оюутнуудын очих дуртай газар болсон. Мөн Английг бодвол бага зэрэг хямд өртөгтэй байдаг. Мөн аль хичээл судлахаас хамаарч үнийн хувьд ялгаатай бөгөөд шинжлэх ухааны хичээл, урлагийн хичээлийн төлбөрөөс үнэтэй ажээ. Мельбурны их сургуулийн сургалтын төлбөр нь 20000-38000 америк доллар, Сиднейн их сургуулийн төлбөр 28-43 мянган доллар байдаг. Бас Брисбен, Канберра гэх мэт жижиг хотуудын сургалтын төлбөр адилхан ч амьдрах зардал багатай байдаг.

Австралийн дотоод хэлтэс жилд багадаа 14,000 ам.долларын амьдрах өртөг санал болгодог. Үүнд, сургалтын төлбөр, оюутны виз, гадаад оюутны эрүүл мэндийн даатгал, Австрали болон төрөлх эх орныхоо хооронд аялах зэрэг нэмэлт зардлыг оруулдаггүй. Сидней, Мельбурн, Брисбен зэрэг томоохон хотод түрээс амьжиргааны зардлын ихэнх хувийг эзэлнэ. Олон улсын Эдийн засаг, санхүүгийн коллежийн хийсэн судалгаагаагаар Австрали улс дэлхийд түрээсийн төлбөр ихтэй орнуудын дээгүүрт жагссан бөгөөд 2017 оны байдлаар долоо хоногийн түрээс нь 255 ам.доллар байдаг.

Америкийн Нэгдсэн Улс

Сургалтын төлбөр жилд 41000-56000 ам.доллар, амьжиргааны зардал 14000-22000 ам.доллар байдаг.

Америк бол гадаадад суралцахыг хүсдэг оюутнуудын номер нэг сонголт бөгөөд Харвард, Иел зэрэг томоохон нэр хүндтэй их сургууль олон бий. Сүүлийн 10 жилд тэнд суралцах гадаад оюутнуудын тоо эрс өссөн бөгөөд .Эдгээр дээд сургуульд сурахад илүү үнэтэй ч мөрөөдлөө биелүүлэхэд тань туслах хэд хэдэн боломж бий.

Нью-Йорк дахь Колумбийн их сургууль, Филадельфи мужийн Пенсильванийн их сургуулийн төлбөр жилд дээд тал нь 53000-56000 ам.доллар байдаг. Лос.Анжелес дахь Кэмбрижийн Харвардын их сургуулийн сургалтын төлбөрийн хэмжээ 46000 ам.доллар байдаг. АНУ-ын долоон их сургуулийн Харвард, Принстон, Яел зэрэг дээд сургуулиуд тэтгэлэг санал болгодог гэдгийг анхаараарай. Энэ нь таны нөхцлийг үл хамааран боловсролын хэрэгцээг хангахын тулд бүх санхүүгийн тусламж үзүүлэх болно гэсэн үг юм. Хэрэв та энд сурах хүсэлтэй бол санхүүгээ сайтар төлөвлөх хэрэгтэй бөгөөд боломжит тэтгэлгийг хайж санхүүгийн тусламж авах нь чухал юм. АНУ-ийн хамгийн өндөр өртөгтэй хотуудаас нэрлэвэл Бостон, Нью-Йорк, Лос Анжелес хотууд байдаг. Нью-Йорк, Бостон, Лос.Анжелес хотод жилд дунджаар 20000-22000 ам.долларын зардалтай байдаг. Харин Мичиган, Филаделфи хотод суралцах нь жилд дунджаар 15000 орчим ам.долларын дундаж зардлыг хэмнэх болно.

Их Британи

Тул улсын их сургуулиудын сургалтын төлбөр жилд 20000-41000 ам.доллар, амьдрах зардал 8000-19000 ам.доллар байдаг.

Дэлхийд тэргүүлдэг их сургуулиуд болох Оксфорд, Кэмбрижийн их сургуулиуд Англид бий. Түүнчлэн баялаг соёл, түүхийг олон улсын оюутнуудад хүргэх таатай газар болдог.

Бакалавраар суралцахад гадаад оюутнуудаын сургалтын төлбөр нь жилд дунджаар 25000 орчим ам.доллар байдаг. Оксфордын их сургууль болон Эдинбургийн сургуулийн төлбөрийн хураамж 20000-41000 Канад долларын хооронд хэлбэлздэг. Шинжлэх ухааны чиглэнлийн ангиуд ихэвчлэн үнэтэй бол Лондоны Эдийн засгийн их сургууль жилд 24000 долларын өртөгтэй. Их Британийн сургуулиуд Америкийн дээд сургуулиудтай харьцуулахад сургалтын төлбөр хямдаас гадна бага зардалтай байдаг. АНУ-д бакалаврын зэрэг авахад 4 жил суралцдаг бол Их Британид ердөө гуравхан жил байдаг. Мөн нэг жилийн хугацаанд ахисан түвшний зэрэгтэй болж болно. Умард зүгийн хотуудад амьдрахад харьцангуй хямд бөгөөд Их Британийн хамгийн өртөг өндөр хот бол Лондон юм. Эдинбург, Ньюкасл хот эсрэгээрээ боломжийн үнэтэйгээс гадна Бристол, Оксфорд нь Лондоноос бага зэрэг хямд байдаг.

“Ногоон Жэйд” боловсролын байгууллага Австралийн 40 гаруй, Америкийн Нэгдсэн улсын 60 гаруй, Их Британийн 100 гаруй их сургуультай шууд гэрээтэй хамтран ажиллаж, 20-100% тэтгэлэгтэй суралцуулдаг. Дэлгэрэнгүй мэдээлэл авахыг хүсвэл манай оффис болон III сарын 9, 10-нд Blue Sky-д болох Олон улсын боловсролын үзэсгэлэнд хүрэлцэн ирээрэй.

Их Британид жилд 80 мянган шүхэр алдагддаг

Нийтэлсэн: | Мэдээ | Сэтгэгдэлгүй

Олон улсын оюутнуудын зорих болсон Их Британи улсын их сургуулийн жилийн дундаж төлбөр 12 мянган паунд байдаг. Сургалтын чанар, дэлхийн хаана ч хүлээн зөвшөөрөх диплом, боломжийн төлбөр зэргээс нь үүдэн Монгол залуучуудын ч Топ 5 жагсаалтад багтдаг. Тус улс Chevening нэртэй Засгийн газрын тэтгэлэг зарлаж, шалгарсан оюутнуудын бүх зардлыг даадаг билээ. Ингээд Их Британийн талаар сонирхолтой 27 баримтыг танилцуулъя.

  • Нэгдсэн Вант улс үндсэн хуульт хаант засаглалт парламенттай бөгөөд төрийн тэргүүн нь Хатан хаан II Элизабет юм.

  • Тус улсын нийт нэрлэсэн ДНБ $ 2.434 триллион бөгөөд нэг хүнд ногдох ДНБ $ 38,591 байна. ДНБ нь дэлхийд 6-аад орох Европын 3 дах том эдийн засагтай орон.
  • Их Британи улс худалдааны тэнцвэрт байдлыг хангасан 8 дахь томоохон эдийн засагтай орон бөгөөд дэлхийн эдийн засагт ихээхэн хувь нэмэр оруулдаг.
  • Шотландад олон жижиг нуур, горхи бий. Домогт өгүүлснээр Несси хэмээх нуурын мангас Лох Несс нуураас олдсон гэдэг.

  • Хөлбөмбөг, рагби, гольф, бокс, крикет зэрэг спорт Нэгдсэн Вант улсаас үүсэлтэй.
  • Harry Potter цувралын зохиогч Д.Роулинг Их Британиас гаралтай. Тэрээр 54 сая долларын ашиг орлоготой, дэлхийн хамгийн чинээлэг эмэгтэйчүүдийн нэг билээ. 
  • Англи нь Нэгдсэн Вант улсын харьяат газар нутгийн хэмжээгээрээ хамгийн том орон юм.
  • Хатан хааны төрсөн өдрийг жил бүр Зургадугаар сарын амралтын өдөр тэмдэглэн, үүнд зориулж цэргийн парад тэргүүтэй олон арга хэмжээ зохиодог. Тус өдөр үйлчилгээний байгууллагууд хаалгаа барьж гэр бүлийнхэн амран хамт цаг өнгөрүүлдэг.
  • Хааны удмынхан гэрлэх үед ихэвчлэн бүх нийтийн амралтын өдөр зарладаг. 2011 онд хунтайж Уильям, Кэйт Мидлтон нарын гэрлэсэн өдрийг олон нийтийн амралтын өдөр гэж үзэх болсон бөгөөд хүн бүр ажил, сургуульдаа явдаггүй байна.

  • Шотландад Христ мэндэлсний дараах өдрийг баяр болгон тэмдэглэдэг. Энэ нь эрт дээр үед зарц нар эздээсээ бэлэг авдаг байснаас үүдэн өнөөг хүргэжээ. Өдгөө эл өдрийг бүх нийтийн амралт болгон даруухан тэсдэглэдэг.
  • Их Британид 120км-ээс наана орших далайн эрэг байхгүй тул ихэнх хүмүүс наран шарлагын газар хайдаг.
  • Английн Букингемийн ордон өөрийн цагдаагийн газартай.
  • Английн анхны хаан буюу байлдан дагуулагч Вильгельм Уильям хүн бүр оройн 8 цагт орондоо орох ёстой гэсэн хууль гаргажээ.

  • Лондонд жил бүр 80000 гаруй шүхэр алдагддаг ажээ.
  • Их Британийн вант улс нь Шотланд, Англи, Уэльс, Умард Ирланд зэрэг улсыг багтаадаг.
  • Албан ёсны хэл нь Англи хэдий ч хэд хэдэн бүс нутгийн хэлийг хүлээн зөвшөөрдөг. Тухайлбал, Вальс, Ирланд, Корн, Шотланд гэх мэт.
  • Нэгдсэн Вант улсын Байт, Кентербери, Честер зэрэг хотод ЮНЕСКО-гийн өв соёлын 28 газар байдаг.
  • Их Британид телевизээр арилжааны зар мэдээг цагт дээд тал нь 12 минут байх журамтай.
  • Дэлхийд хамгийн томд тооцогдох Итали ресторан Их Британид байдаг. Тодруулбал, Aакаш нь 750 орчим суудалтай.
  • Английн Лондон хот дэлхийн анхны газар доорхи метроны системтэй хот юм.
  • Дэлхийн хамгийн анхны төмөр замыг Их Британиас олжээ.

  • МЭ 1707 онд Шотландыг эзэлснээр энэ бүс нутгийг Их Британи хэмээх болсон. Харин 1801 онд Ирланд улс нэмэгдсэнээр Нэгдсэн вант улс болгон өөрчилсөн.
  • Англид тахиа нь хүнээсээ олон.
  • Их Британийн 12400 километр үргэлжлэх тэнгисийн эрэг нь далайн хав, шувуу амьдрахад хамгийн тохиромтой газар юм.
  • Их британид хүн амын 60 хувь нь Христийн шашинтай.
  • Хатан хаан Элизабет 2015 онд Нэгдсэн Вант улсын хаан ширээнд хамгийн удаан суусан хүнээр тодорчээ.
  • Британид цаасан дээр бичигдсэн үндсэн хууль байхгүй цорын ганц орон юм.

“Ногоон Жэйд” боловсролын байгууллага Их Британийн 100 гаруй их, дээд сургуультай хамтран ажилладаг билээ. Та энэ талаар мэдээлэл авах бол 8901-0555, 8907-0555 утсаар холбогдоно уу.